گھوٹکی کے کچے کے علاقے کے تھانہ آندل سندرانی کی پولیس چوکی مبارک پل ، پرایک درجن سے زائد ڈاکوں نے حملہ کردیا ، فائرنگ کے نتیجے میں ایک پولیس اہلکار شہید جبکہ ایک اہلکار زخمی ہو گیا، ڈاکو جاتے جاتے ایک پولیس اہلکار اور سرکاری اسلحہ بھی اپنے ساتھ لے گئے۔

پولیس کے مطابق شہید اہلکار صاحب ڈنوکی لاش، اور زخمی اسماعیل شاہ کوگھوٹکی اسپتال منتقل کیا گیاہے جبکہ مغوی اہلکارکی شناخت عبدالستار سانگی کے نام سے ہوئی ہے۔

شہيد اہلکار کی نماز جنازہ ادا

گھوٹکی میں ڈاکوؤں کے حملے میں شہيد ہونے والے پوليس اہلکار کی نماز جنازہ ادا کردی گئی، شہید اہلکار صاحب ڈنو عباسی کی نماز جنازہ پولیس لائن میرپورماتھیلو میں ادا کی گئی

گھوٹکی : رینجرز پولیس عملداروں سمیت شہریوں اور سول سوسائٹی کے لوگوں نے نماز جنازہ میں بڑی تعداد میں شرکت کی۔

شہید اہلکار کو پولیس کے چاک و چوبند دستے نے سلامی پیش بھی کی۔