لیاری بچاؤ اتحاد لوڈشیڈنگ کے خلاف سڑکوں پر آگئی، آٹھ چوک سے کراچی پریس کلب تک ریلی نکالی گئی، سماجی رہنما فیصل ایدھی نے بھی ریلی میں شرکت کی۔

کے الیکٹرک نے رات میں بجلی کی فراہمی کے احکامات ہوا میں اڑا دیئے

لیاری بچاؤ اتحاد کے رہنماؤں کا کہنا تھا کہ کے الیکٹرک کراچی کے شہریوں کی قاتل ہے، اس کے خلاف قتل کی ایف آئی آر کاٹی جائے، صدر، وِزیراعظم اور چیئرمین سینیٹ کے الیکٹرک کا لائسنس منسوخ کریں۔

شہریوں کا کہنا تھا کہ بجلی کی غیراعلانیہ لوڈشیڈنگ جاری ہے، کئی کئی گھنٹے بجلی بندش کے باوجود زائد بل بھیجے جارہے ہیں۔

خواتین سمیت شہریوں کی بڑی تعداد نے کے الیکٹرک کے خلاف نعرے لگائے اور مطالبہ کیا کہ لیاری کو بجلی فراہم کی جائے۔