پولیس کے مطابق مناواں کے علاقے رضوان گارڈن میں شادی کہ تقریب جاری تھی کہ اس دوران دلہا کےدوستوں نے خوشی میں ہوائی فائرنگ شروع کردی۔

فائرنگ کی زد میں آکر 16 سالہ عائشہ نور سینے میں گولی لگنے سے شدید زخمی ہوگئی جس کے بعد اسے فوری طبی امداد کے لیےاہسپتال منتقل کیا گیا جہاں وہ جانبر نہ ہوسکی۔

واقعہ کے بعد دلہا اور اسکے دوست موقع سے فرار ہوگئے۔ پولیس نے لڑکی کے والد کے بیان پر نامعلوم افرادکے خلاف مقدمہ درج کرلیا ہے۔دلہا کے والد اور والدہ کو حراست میں لیکر تفتیش جاری ہے۔