آسٹریلیا سے بھارت جانے والی لڑکی ائیرپورٹ پہنچتے ہی دم توڑ گئی۔ 4 سال بعد اپنے گھر والوں سے ملنے کے لیے انڈیا روانہ ہونے والی 24 سالہ خاتون جہاز کے ٹیک آف کرنے سے کچھ دیر پہلے دنیا سے چلی گئی۔

لڑکی کی موت کا یہ واقعہ 20 جون کو قنطاس ایئر لائن کی فلائٹ میں پیش آیا جب من پریت کور نامی خاتون آسٹریلیا کے شہر میلبورن سے دہلی کی پرواز کے ہوائی جہاز میں سوار ہوئی۔

من پریت کور نامی کی فلائٹ میں سوار ہونے کے بعد طبعیت ناساز ہوگئی۔ ان کے ساتھ موجود دوست نے پورا احوال بتایا کہ من پریت کور پرواز میں سوار ہوئیں تو انہیں سیٹ بیلٹ باندھنے میں پریشانی کا سامنا رہا اور اچانک وہ گر پڑیں اور اسی وقت دم توڑ گئیں۔

فلائٹ انتظامیہ کے مطابق جہاز میں موجود عملے نے خاتون کو زیمرجنسی میں طبی امداد فراہم کرنے کی کوشش کی تھی مگر تب تک ان کی سانسیں تھم چکی تھیں۔