پولیس نے مقامی عدالت میں ملزم شعیب کو پیش کیا، جہاں اس کا کہنا تھا کہ میں کمپنی میں سافٹ ویئر انجینئر کی حیثیت سے کام کررہا تھا، ہم کو تین ماہ سے تنخواہ نہیں ملی۔

کراچی میں تنخواہ نہ ملنے پر ملازم نے سافٹ ویئر کپمنی کے سی ای او کا قتل کردیا

ملزم نے مزید بتایا کہ میں تنخواہ سے متعلق نوید سے بات کررہا تھا تو محسوس ہوا کہ یہ میرا مذاق اڑا رہا ہے، جس پر کچن سے چھری اٹھا کر لایا، دوبارہ بات چیت کی تو پھر اس کا لہجہ طنزیہ تھا۔ جس کے بعد طیش میں آکر چھری کے وار کردیے۔

پولیس کی وردی میں ڈکیتیاں کرنے والے 4 ملزم گرفتار

تفتیشی افسر نے عدالت سے استدعا کی  کہ ملزم کا سی آر او کرانا ہے، ریمانڈ دیا جائے۔ جس کے بعد عدالت نے ملزم کو پانچ روزہ جسمانی ریمانڈ پر پولیس کے حوالے کردیا۔

واضح رہے کہ قتل کا واقعہ شارع فیصل پر کاوش کراؤن پلازہ کے اندر آفس میں منگل کو پیش آیا تھا۔