بھارت کی مشرقی ریاست بہار میں بھی بجلی گرنے سے پانچ افراد موت کے منہ میں چلے گئے۔ بارشوں نے بہار میں بھی بہت کچھ تلپٹ کردیا ہے۔ لوگوں کو نقل و حرکت میں مشکلات کا سامنا ہے۔

شمال مشرقی ریاست آسام میں سیلاب نے تباہی مچادی۔ موسلا دھار بارش کے دوران اور سیلاب کے باعث ہلاک ہونے والوں کی تعداد 79 ہوگئی ہے۔ آسام میں لاکھوں افراد بے گھر ہوچکے ہیں۔ کھڑی فصلوں کو نقصان پہنچا ہے۔

مون سون کی بارشیں بھارت کی دوسری ریاستوں میں بھی ہوئی ہیں۔ کئی ریاستوں میں لاکھوں افراد کو بارش کے بعد سیلاب سے بچنے کے لیے گھروں سے نکل کر محفوظ مقامات پر منتقل ہونا پڑا ہے۔