ذرائع کے مطابق صبح 4 بج کر 40 منٹ پر دہشتگردوں نے بنوں کینٹ میں داخلے کی کوشش کی۔ دہشتگردوں نے بارود سے بھری گاڑی سے بنوں کینٹ کی دیوارپردھماکا کیا۔

زرائع کے مطابق دہشت گردوں نے دھماکا خیز مواد کے پھٹنے کے فوراً بعد فائرنگ شروع کردی۔ سیکیورٹی فورسزکی بروقت کارروائی سے دہشت گردوں کوایک جگہ محصورکیا گیا۔

دھماکے سے قریبی عمارتوں کے شیشے ٹوٹ گئے اور بعض چھتیں بھی گرگئیں۔ فائرنگ کی زد میں آکر اور مکانات کی کھڑکیوں کے شیشے ٹوٹنے سے آٹھ افراد زخمی ہوئے جن میں خواتین اور بچے بھی شامل ہیں۔

بنوں کے تھانہ صدر کے قریب نصب شدہ 10 کلو دھماکا خیز مواد برآمد

عینی شاہدین کے مطابق دھماکا غیر معمولی تھا۔ اس کی آواز دور تک سُنی گئی۔ ذرائع کے کے مطابق بنوں میں سیکیورٹی ہائی الرٹ کردی گئی۔ ہیلی کاپٹرز کے ذریعے بھی شہر کی نگرانی بھی کی جارہی ہے۔