غیرملکی خبررساں ادارے ’اے ایف پی‘ کے مطابق برازیل کی ساؤ پاؤلو ریاست میں چینی اور ایتھنول پلانٹ سے صنعتی فضلہ کے غیر قانونی ڈمپنگ کے بعد کئی ٹن مچھلیاں مر گئی ہیں۔

ساؤ پاؤلو کے استغاثہ نے ایک بیان میں کہا کہ ابتدائی تجزیے سے اندازہ لگایا گیا ہے کہ جنوب مشرقی برازیل میں دریائے پیراسیکابا پر 10 سے 20 ٹن کے درمیان مچھلیاں مر گئیں۔

استغاثہ نے بتایا کہ ابتدائی تفتیش ریو داس پیڈراس کی کمیونٹی میں ایسٹیوا کے ساؤ جوز پلانٹ سے ”گندے پانی کے بے قاعدہ اخراج“ کی طرف اشارہ کرتی ہے اور یہ ایک ندی تک پہنچ گئی جو دریائے پیراسیکابا میں بہتی ہے۔

کمپنی ایسٹیوانے تبصرہ کے لیے متعدد درخواستوں کا جواب نہیں دیا۔