ترجمان نے بارشوں سے متعلق الرٹ جاری کرتے ہوئے کہا کہ صوبےکےبیشتراضلاع میں تیزہواؤں کےساتھ بارشوں کےامکانات ہیں۔

22 جولائی سے بحیرہ عرب اور خلیج بنگال سے مون سون ہوائیں ملک میں داخل ہونگی، جس سے 22 سے 25 جولائی کے دوران اسلام آباد ،شمالی پنجاب، گوجرانوالہ ڈویژن لاہور،شیخو پورہ ، ساہیوال، جھنگ،میانوالی، ملتان، مظفر گڑھ، بہاولپور، ڈیرہ غازی خان میں بھی بارشوں کا امکان ہے۔

22 سے 24 جولائی کے دوران دیر چترال سوات مالاکنڈ پشاوراورہزارہ میں بارشیں ہو سکتی ہیں، جبکہ 22 سے 27 جولائی کے دوران دیا میراستورسکردو گلگت گلگت میں بارشوں کاامکانات موجود ہے۔

محکمہ موسمیات کا کہنا ہے کہ بارشوں کے دوران مقامی ندی نالوں میں طغیانی اور لینڈ سلائیڈنگ کا خطرہ ہے، جبکہ بارشوں سے پنجاب کے ندی نالے بھی بپھرسکتے ہیں۔