راولپنڈی میں واسا کےواٹر لیول گیج اسٹیشن پر چوری کی انوکھی واردت سامنے آگئی ۔ چوروں نے برساتی نالوں میں سیلاب کی پیشگی اطلاع دینےوالاسسٹم چوری کر لیا ۔

نامعلوم چوروں نے واٹر لیول گیج اسٹیشن کےکُنڈےتیز دھار آلے سے کاٹ دیے، سیلاب او ربارش کی صورتحال بتانے والا یہ سسٹم جاپان نے دیا تھا۔

سسٹم چوری کے بعد سیلاب و بارش کی پیشگی اطلاع کا نظام مکمل مفلوج ہوگیا، چور سسٹم کی سولر پلیٹس، ہیوی بیٹریاں ،قیمتی کمپیوٹرز اور ڈیوائسز بھی ساتھ لے گئے۔ چوری ہونے والا سسٹم جدید خود کار سیلاب کی اطلاع دینے والا نظام تھا۔

نامعلوم چوروں نے اطمینان کے ساتھ کئی گھنٹے پر مبنی چوری کی واردات کی، واسا نے چوری کے واقعے کی انکوائری شروع کر دی ہے۔

کلوز سرکٹ کیمرے کے حوالے سے بھی فوٹیج سامنے نہ آسکی، یلاب بارش صورتحال کا یہ سسٹم گزشتہ 15 سال سے بہترین انداز سے کام کررہا تھا۔

دوسری جانب ڈپٹی کمشنر اور کمشنر نے بھی اس بڑی چوری کے حوالے سے رپورٹس طلب کی ہیں۔