حال ہی میں بھارتی میڈیا پر ایک خبر وائرل ہے، جس میں چڑیل کا تذکرہ کیا گیا ہے۔

تفصیلات کے مطابق بھارتی ریاست اتر پردیش کے گاؤں سنگرام پور میں گاؤں والے ایک چڑیل سے پریشان ہیں جو کہ ہر رات خوفناک چیخوں کے ساتھ گاؤں والوں کو دہشت میں مبتلا کر رہی ہے۔

زی نیوز کی رپورٹ کے مطابق مبینہ طور پر گاؤں کے سنسان علاقوں سے آنے والی آوازوں سے متعلق اب تک تصدیق نہیں کی جا سکی ہے۔

متحدہ عرب امارات کے آسمان پر اڑنے والی ’چڑیل‘ کی حقیقت

بھارتی میڈیا کے مطابق سنگرام پور کے علاقے امیتھی کے رہائشی کی جانب سے ویڈیو سوشل میڈیا پر شئیر کی گئی تھی، جس میں یہ دعویٰ کیا جا رہا تھا مبینہ طور پر چڑیل آہ و زار کر رہی ہے۔

’جنات نے فون ہیک کرلیا‘، سیکیورٹی ماہر کے دعوے نے تہلکہ مچا دیا

ویڈیو سوشل میڈیا پر اپلوڈ ہوتے ہی سوشل میڈیا صارفین کی توجہ حاصل کرنے میں کامیاب ہوگئی ہے۔ جبکہ دعوے میں مزید بتانا تھا کہ گاؤں والے روزانہ رات کو چڑیل کی آواز سن رہے ہیں۔

بھارتی میڈیا کے مطابق گاؤں کے ایک رہائشی کی جانب سے تصویر بھی شئیر کی گئی ہے، جس سے متعلق دعویٰ کیا جا رہا ہے کہ یہ مذکورہ چڑیل ہے۔

تاہم اب تک مقامی انتظامیہ اور پولیس کی جانب سے اس حوالے سے کوئی قدم نہیں اٹھایا گیا ہے۔