غیر ملکی میڈیا رپورٹ کے مطابق سیکیورٹی حکام کی جانب سے ٹیلر سوئفٹ کے کنسرٹ میں دہشت گردی کا عندیہ دیا گیا جس کے باعث کنسرٹس منسوخ کر دیے گئے۔

رپورٹ کے مطابق امریکی گلوکار کے کنسرٹس 8، 9 اور 10 اگست کو ویانا کے ارنسٹ ہیپل اسٹیڈیم میں ہونے والے تھے، تینوں شوز میں روز تقریباً 65 ہزار شرکاء کی آمد کی توقع تھی۔

کنسرٹس کے منتظمین نے بتایا کہ سرکاری حکام کی جانب سے اسٹیڈیم میں دہشت گردحملوں کی منصوبہ بندی کی تصدیق کے بعد ہمارے پاس کنسرٹس کو منسوخ کرنے کے علاوہ اور کوئی آپشن موجود نہیں تھا۔

حکام نے بیان میں مزید کہا کہ کنسرٹ کی تمام ٹکٹیں اگلے 10 دنوں میں واپس کر دیے جائیں گے۔