محکمہ صحت نے بتایا کہ کانگو وائرس میں مبتلا 14 سالہ مریض کو فاطمہ جناح اسپتال کوئٹہ منتقل کیا گیا ہے۔

مزید کہنا تھا کہ 14 سالہ مریض کا تعلق کوئٹہ سے ہے، ان کے خون ٹیسٹ سے وائرس کی تصدیق ہوئی ہے۔

محکمہ صحت نے بتایا کہ بلوچستان میں رواں سال کانگو وائرس کے 23 کیس رپورٹ ہو چکے ہیں جبکہ اس مرض سے اب تک 5 مریض جاں بحق ہو چکے ہیں۔

واضح رہے کہ دو روز قبل بھی بلوچستان کے شہر لورالائی سے کانگو وائرس کا ایک اور کیس سامنے آیا تھا، جس کے بعد رواں سال صوبے بھر میں کانگو سے متاثر ہونے والوں کی تعداد 22 ہوگئی تھی۔

اب تک کانگو وائرس میں مبتلا ایک مریض دم توڑ گیا تھا جبکہ رواں سال اب تک صوبے میں 5 افراد کانگو وائرس کے باعث جاں بحق ہوچکے ہیں۔