سندھ ہائیکورٹ میں پولیس اہلکاروں کے لئے بنائی گئی پوائنٹ می ایپ کیس کی سماعت ہوئی، درخواست پولیس کانسٹیبل شکیل احمد کی جانب سے دائرکی گئی تھی۔

درخواست گزار کے مطابق آئی جی سندھ و دیگر افسران کی جانب سےغیر قانونی، غیرمنصفانہ حکم نامہ آیا ہے، پوائنٹ می نامی ایپ سے حاضری لگانے کا کہا جارہا ہے۔

درخواستگزار کا کہنا ہے کہ ہمیں انٹرنیٹ پیکج خریدنےپرمجبور کیا جارہاہے، آئی جی سندھ یہ احکامات درخواست گزار پر ذاتی مالی وسائل پر بوجھ ہے درخواست گزار اینڈرائیڈ موبائل خریدنے کی استطاعت نہیں رکھتا ہے۔ آئی جی سندھ کے ان غیر آئینی احکامات کو کالعدم قرار دیا جائے۔