اسرائیلی وزارت توانائی کے مطابق ملک میں ہائی آکٹین پیٹرول کی قیمت 0.19 نئے اسرائیلی شیکل کمی کے ساتھ 7.29 نئے اسرائیلی شیکل پر آجائے گی۔

اسرائیل میں پیٹرول کی قیمت بحیرہ روم میں خام تیل کے بیرلز کی تجارت میں قیمت کے اتار چڑھاؤ اور شیکل ڈالر کی شرح تبادلہ سے متاثر ہوتی ہے۔

یہ مسلسل دوسرا مہینہ ہے جس میں اسرائیل میں پیٹرول کی قیمتوں میں کمی ہوئی ہے۔ تاہم، سال کی پہلی ششماہی میں پیٹرول کی قیمتوں میں زبردست اضافہ ہوا تھا۔

لیکن یہ قیمت پاکستان کے مقابلے زیادہ کیسے ہے؟

پاکستان میں فی لیٹر پیٹرول کی قیمت 260 روپے 96 پیسے ہے، اگر کرنسی ریٹ کو دیکھا جائے تو 7.29 نئے اسرائیلی شیکل، پاکستانی 556 روپے 48 پیسے بنتے ہیں۔

یوں اسرائیل میں ہائی آکٹین پیٹرول 295 روپے 52 پیسے مہنگا فروخت کیا جارہا ہے۔