خاص طور پر اے آئی ٹیکنالوجی آنے سے طالب علموں کی کافی مشکلات آسان ہوئی ہیں۔

اب اوپن اے آئی کی جانب سے ایک اور شاندار ٹول پر کام کیا جا رہا ہے جو ریاضی میں کمزور طلبا کے لیے کارآمد ثابت ہوگا۔

رپورٹ کے مطابق اوپن اے آئی کا ’اسٹرابیری‘ نامی ٹول آنے والا ہے جو اپنی حیرت انگیز خصوصیات سے فیلڈ میں ہر چیز کو بدل سکتا ہے۔

یہ ٹول ریاضی کے پیچیدہ سوالات کو آسانی سے حل کرے گا، جو پہلے کبھی سافٹ وئیرز پر بھی حل نہ ہوئے ہوں۔

صرف ریاضی ہی نہیں بلکہ اے آئی اسٹرابیری ٹول اعلیٰ سطحی کام جیسے مارکیٹوں کی حکمت عملی کو ڈیزائن کرنا اور مشکل الفاظ کو حل کرنے کی صلاحیت بھی رکھے گا۔

چند ہفتے قبل اوپن اے آئی کے سربراہ سیم آلٹ مین نے سوشل میڈیا پر اسٹرابیری کی تصاویر پوسٹ کرکے ایک نئی ٹیکنالوجی کا مارکیٹ میں آنے کا عندیہ دیا تھا جسے دیکھ کر لوگوں نے حیرانگی کا اظہار کیا تھا۔

اسٹرابیری اے آئی ٹول کی ممکنہ تاریخ کا تو اعلان نہیں کیا گیا، تاہم یہ ضرور بتایا گیا ہے کہ یہ ٹول رواں سال کے اختتام میں متعارف کرا دیا جائے گا۔