کابینہ کے جس اجلاس میں 8 ووٹوں کی اکثریت سے منظوری دی گئی اس میں وزیرِدفاع یوآو گیلنٹ اور قومی سلامتی کے وزیر بن گوریر نے شدید مخالفت کی۔ وزیرِاعظم نیتن یاہو اور گیلنٹ کے درمیان شدید اختلافات پائے جاتے ہیں۔

یوآو گیلنٹ نہیں چاہتے کہ فلاڈیلفی کوریڈور میں فوجیوں کو رکھنے کی منظوری دی جائے۔ گیلنٹ نے الزام لگایا کہ وزیرِاعظم اپنے فیصلے فوج پر مسلط کر رہے ہیں۔

اجلاس کی تفصیلات کو منظرِعام پر لانے سے منع کیا گیا تھا۔ دس وزرا سے کہا گیا کہ وہ نقشوں کی ایک سیریز منظور کریں۔ ان نقشوں کو امریکا پہلے ہی قبول کرچکا ہے۔

معلوم ہوا ہے کہ ایک الگ ملاقات میں بھی انہوں نے چیخ کر کہا کہ نیتن یاہو جو چاہیں کرسکتے ہیں، وہ یرغمالیوں کو قتل بھی کرسکتے ہیں۔ صلاح الدین کوریڈور اور اُس سے متصل علاقوں میں اسرائیلی فوجیوں کی موجودگی کے باعث قطر کی میزبانی میں جنگ بندی معاہدے سے متعلق مذاکرات کی راہ میں دیواریں کھڑی ہوئی ہیں۔