یولینڈا حدید 60 سال کی ہیں۔ وہ اپنے دیرینہ دوست اور معروف کاروباری شخصیت جوزف جینگولی کے ساتھ گھر بسانا چاہتی ہیں۔

ایک انٹرویو میں یولینڈا حدید نے بتایا کہ وہ حال ہی میں جوزف جینگولی کے ساتھ ہالینڈ میں چھٹیاں گزار کر آئی ہیں۔ وہاں انہیں جوزف نے پروپوز کیا اور انہوں نے پروپوزل قبول کرلیا۔

یولینڈا حدید کا کہنا ہے کہ وہ جوزف سے مزاج کے معاملے میں خاصی مطابقت رکھتی ہیں اس لیے اس معاملے میں سنجیدہ ہیں۔ انہوں نے شادی کی تاریخ کے بارے میں کچھ نہیں بتایا۔

یولینڈا حدید نے 1994 میں فلسطینی نژاد امریکی بزنس مین محمد حدید کے ساتھ گھر بسایا تھا۔ محمد حدید سے اُن کی دو بیٹیاں جیجی اور بیلا کے علاوہ بیٹا انور بھی ہے۔ 2011 سے 2015 تک ان کا ڈیوڈ فوسٹر کے ساتھ رومانس چلا تھا۔