سینئیر سپرنٹنڈنٹ آف پولیس (ایس ایس پی) کیماڑی فیضان علی نے پریس کانفرنس کرتے ہوئے بتایا کہ بین الصوبائی اسلحہ اسمگلنگ نیٹ ورک کا کارندہ خیبر پختونخوا سے اسلحے کی کھیپ لے کر کراچی پہنچا تھا۔

کراچی کے سول اسپتال میں 22 گھنٹے سے معطل بجلی بحال، ’فالٹ اندرونی تھا‘

انہوں نے بتایا کہ گرفتار ملزم کی شناخت ہمایوں خان کے نام سے ہوئی، ملزم کے قبضے سے برآمد بیگ سے 10عدد نائن ایم ایم پستول اور سینکڑوں کی تعداد میں راؤنڈ برآمد ہوئے ہیں۔

ایس ایس پی کیماڑی کے مطابق ملزم پیسنجر بس کے ذریعے درہ آدم خیل سے کراچی پہنچا تھا۔

پنجاب کے مختلف شہروں میں سی ٹی ڈی کی کارروائیاں، 33 دہشت گرد گرفتار

پو؛یس کے مطابق ملزم نے انکشاف کیا کہ وہ درہ آدم خیل میں موجود حبیب اللہ، اختر اور حامد نامی اسلحہ ڈیلرز کے لئے کام کرتا ہے، اس نے گذشتہ دو سالوں میں متعدد بار درہ آدم خیل سے کراچی اسلحہ ترسیل کیا۔

ایس ایس پی فیضان علی نے کہا کہ ملزم اس سے قبل بھی ضلع حیدرآباد میں آرم ایکٹ کے مقدمے میں گرفتار ہوکر جیل جاچکا ہے، گرفتار ملزم کے نیٹ ورک میں شامل دیگر ملزمان کی گرفتاری کیلئے کوششیں جاری ہیں۔

امن و امان کی صورتحال: پولیس کا گوگی بٹ اور میر بالاج گروپ کے افراد کو جیل بھجوانے کا فیصلہ

ایس ایس پی فیضان علی نے کہا کہ کیماڑی پولیس کئی عرصے سے غیر قانونی طور پر اسلحہ پہنچانے والے نیٹ ورک پر کام کر رہی ہے، مذکورہ نیٹ ورک کی جانب سے کراچی پہنچنے والا غیر قانونی اسلحہ اسٹریٹ کرائم اور گینگ وار سرگرمیوں کی بڑی وجہ ہے۔