ذرائع کے مطابق باغ آزاد کشمیر میں فاروڈ کہوٹہ نالہ بیتاڑ سے ریسکیو کرکے اسلام آباد منتقل کئیے جانے والے تیندوے کو گولیاں مار کر زخمی کیا گیا۔

ذرائع نے بتایا کہ زخمی تیندوے کا اس وقت اسلام آباد میں علاج جاری ہے۔ تیندوے کو چار گولیاں ماری گئیں تھیں۔ مادہ تیندوے کی حالت تشویشناک بتائی گئی ہے۔

محکمہ وائلڈ لائف آزاد کشمیر نے تندوے کو گولیاں مار کر زخمی کرنے والے نامعلوم افراد کے خلاف فاروڈ کہوٹہ تھانہ میں ایف آئی آر کے بعد درخواست جمع کرادی ہے۔

پولیس کا کہنا ہے کہ واقعے کی تحقیقات شروع کردی گئیں اور ملزمان کی تلاش جاری ہے۔