لوگ اپنی معمولات زندگی میں چیزوں کا استعمال کرتے ہیں، ان میں بہت سی وجوہات ایسی ہوتی ہیں جن کے بارے میں جاننے کا وقت ہی نہیں مل پاتا۔

جیسا کہ لوگ ہوائی جہاز میں سفر کرتے ہیں لیکن طیارے میں ہونے والی سرگرمیوں کے بارے میں اکثر انہیں معلوم ہی نہیں ہوتا کہ ایسا کرنے کی وجہ کیا ہوسکتی ہے۔

جن میں ایک سوال یہ بھی ہے کہ ٹیک آف کے دوران ہوائی جہاز کا اے سی بند کیوں کردیا جاتا ہے؟

جب آپ ہوائی جہاز میں سوار ہوتے ہیں تو اے سی عام طور پر چل رہا ہوتا ہے۔ آپ آرام دہ اور پرسکون ہونے کے لیے اپنی نشست کے اوپر وینٹ کو ایڈجسٹ کرتے ہیں۔ لیکن ٹیک آف سے قبل AC اکثر بند ہو جاتا ہے۔

وجہ کیا ہے؟

ٹیک آف کے دوران پائلٹ بجلی کے تحفظ کے لیے غیر ضروری پاور ڈیوائسز کو بند کر دیتے ہیں، بشمول ایئر ایئر کنڈیشنر، جو انجن کی طاقت پر انحصار کرتا ہے۔

محفوظ ٹیک آف کو یقینی بنانے کے لیے موسمیاتی کنٹرول کے نظام (جیسے ائیر سپلائی، تھرمل کنٹرول اور کیبن کے حصے) کو بند کر دیا جاتا ہے، جس کے بعد پوری طاقت انجن کے پاس چلی جاتی ہے اور اڑان برھنے میں آسانی ہوتی ہے۔

سابق امریکی پائلٹ جان کوکس کے مطابق جب ہوائی جہاز زمین پر ہوتا ہے، تو اسے بیرونی ذرائع سے ایئر کنڈیشنگ کی فراہمی ہوتی ہے۔ روانگی سے عین قبل، یہ بیرونی کنکشن منقطع ہو جاتا ہے۔ پھر ایک بیک اپ پاور یونٹ (APU) بجلی اور ٹھنڈی ہوا فراہم کرنے کے لیے دھکیلتا ہے اس وقت تک جب تک کہ انجن چلان شروع نہ ہوجائے۔