بھارتی میڈیا رپورٹس کے مطابق سلمان خان کے والد سلیم خان کو دھمکی اس وقت دی گئی جب وہ جمعرات کی صبح ورزش کے لیے اپنے گھر کے قریب موجود تھے۔

رپورٹ کے مطابق جب سلیم خان اپنی رہائشگاہ کے قریب سلمان خان کے ہمراہ صبح کی جاگنگ کے لیے نکلے ہوئے تھے، تو اس دوران ایک اسکوٹر پر سوار ایک مرد اور برقعہ پوش خاتون ان کے قریب آئے اور انہیں جیل میں بند گینگسٹر لارنس بشنوئی کا نام لے کر دھمکی دی۔

برقع پوش خاتون کا سلمان خان کے والد سے کہا کہ کیا میں لارنس بشنوئی کو بھیجوں؟

دھمکی کے بعد ممبئی پولیس کو الرٹ کر دیا گیا اور مرد اور برقعہ پوش خاتون کے خلاف تحقیقات شروع کر دی گئیں۔

واضح رہے کہ سلمان خان اور ان کے والد کو اس سے قبل سال 2022 میں بھی دھمکی آمیز خط موصول ہوا تھا جس میں لکھا ہوا تھا کہ موسے والا جیسا کر دوں گا۔