غزہ میں اسرائیل کی دہشت گردی جاری ہے، پناہ گزین کیمپوں اور گھروں پر حملوں میں 37 فلسطینی شہید ہوگئے۔

عرب میڈیا کے مطابق نصیرات پناہ گزین کیمپ پر بمباری سے 12 افراد شہید اور متعدد زخمی ہوئے جبکہ رفح میں ایک گھر پر فضائی حملے میں ایک ہی خاندان کے 5 افراد شہید ہوگئے۔

جنوبی و وسطی غزہ میں اسرائیلی حملوں میں 10 بچوں سمیت 20 فلسطینی شہید

اس کے علاوہ وسطی غزہ پر اسرائیلی فوج کے حملوں میں 14 فلسطینی شہید ہوئے جبکہ کئی گھر ملبے کا ڈھیر بن گئے۔

دوسری جانب غزہ میں شہدا کی مجموعی تعداد 41 ہزار 500 ہوگئی جبکہ 95 ہزار 921 زخمی ہوچکے ہیں۔