ڈسٹرکٹ اینڈسیشن کورٹ اسلام آباد میں فواد چوہدری کیخلاف کیس کی سماعت ہوئی۔ جہان سیشن عدالت کی جانب سے فواد چوہدری کو مقدمے سے بری کر دیا گیا ہے۔

آج عدالت میں کیس کی سماعت کے دوران فواد چوہدری کے وکیل نے مؤقف پیش کیا کہ ان کی پریس کانفرنس لاہور میں ہوئی تھی جبکہ مقدمہ اسلام آباد میں درج کیا گیا۔ وکیل کا کہنا تھا کہ کیس میں مدعی بھی غیر متعلقہ ہے۔

یاد رہے کہ فواد چوہدری پر الزام تھا کہ انہوں نے چیف الیکشن کمشنر کی توہین کی ہے، جس کے بعد انہوں نے بریت کی درخواست دائر کی تھی۔

مقدمے سے بری ہونے کے بعد فواد چوہدری نے میڈیا سے گفتگو کرتے ہوئے کہا کہ ”ایڈیشنل سیشن جج اسلام آباد افضل مجوکا نے آج مجھے بری کیا ہے۔ مجھ پر یہ الزام لگایا گیا تھا کہ میں نے چیف الیکشن کمشنر کو منشی کہہ کر ان کی توہین کی ہے۔“