عمر ایوب نے اڈیالہ جیہ کے باہر میڈیا سے گفتگو کرتے ہوئے کہا کہ ہم چار گھنٹے کھڑے رہے لیکن بانی پی ٹی آئی سے ملاقات کی اجازت نہیں دی گئی، جتنی مشینری ہے وہ ریاست کے اوزار ہیں۔

اس موقع پر پی ٹی آئی رہنما سینیٹر شبلی فراز، احمد خان بھچر اور رؤف حسن بھی موجود تھے۔

عمر ایوب نے کہا کہ پبلک کے نمائندے جو یہاں کھڑے ہیں یہ ریاست ہیں، آئین و قانون کی دھجیاں اڑائی جا رہی ہیں۔

انہوں نے کہا کہ ہفتہ کو ہر جگہ ہمارا احتجاج ہو گا، جمعہ کو سپریم کورٹ کے سامنے وکلاء احتجاج کریں گے۔

ان کا کہناتھا کہ اڈیالہ میں کرنل آئی ایس آئی، ایم آئی، ایف آئی اے کو، جو بھی ہے اس کو میسج دیتے ہیں ہوش کے ناخن لو، آپ کا کام دہشتگردی کنٹرول کرنا ہے، ملک دشمنوں کے خلاف جانا ہے۔ ہم عوام کے نمائندے ہیں، ہمیں عوام نے منتخب کیا ہے۔