بدھ کو میٹا کینکٹ ایونٹ میں میٹا کے سربراہ مارک زکربرگ نے باضابطہ طور پر اعلان کیا کہ واٹس ایپ کے یوزرز اب میٹا اے آئی اے سے وائس چیٹ کرسکتے ہیں۔

اس ایونٹ میں اورین اے آر گلاسز بھی پیش کیے گئے۔ واضح رہے کہ مارک زکربرگ اور میٹا کے دیگر عہدیدار یہ کہتے آئے تھے کہ واٹس ایپ کے یوزرز کے لیے کام کا بہترین ماحول پیدا کرنے کی بھرپور کوششیں کی جارہی ہیں۔

مینلو پارک کیمپس میں منعقدہ ایونٹ کے ہیرو اورین اے آر گلاسز تھے۔ مارک زکربرگ نے یہ گلاسز عوام کے سامنے رکھے۔

مارک زکربرگ نے کہا کہ واٹس ایپ کے یوزرز اب میٹا اے آئی سے بات کرنے کے لیے سیلیبرٹیز اور پبلک فگرز کی آوازوں کی ماڈلنگ میں سے انتخاب کرسکتے ہیں۔

یہ فیچر فی الحال صرف انگریزی میں دستیاب ہے تاہم کچھ ہی مدت میں دیگر بڑی زبانوں میں بھی یہ سہولت فراہم کردی جائے گی۔ اس سہولت سے فائدہ اٹھانے کے لیے اب واٹس ایپ یوزرز ویوفارم کا بٹن دباکر میٹا اے آئی سے جُڑ سکتے ہیں۔