برطانوی وزیرِخارجہ ڈیوڈ لیمی نے کہا ہے کہ اس معاہدے کے تحت ڈیگو گارشیا میں اہم فوجی اڈے کا کنٹرول ملے گا۔ یہ جزیرہ بحرِ ہند میں ہند سے متصل جزائر کے مجموعے میں سب سے بڑا ہے۔

معاہدے کے تحت ڈیگو گارشیا کا کنٹرول 99 سال تک برطانیہ کے ہاتھ میں رہے گا۔ چیگوز آئی لینڈ بحرِ ہند میں 60 سے زائد جزائر کا مجموعہ ہے۔

ڈیگو گارشیا کے فوجی اڈے میں ڈھائی ہزار تک فوجی تعینات ہیں جن میں اکثریت امریکیوں کی ہے۔

ڈیگو گارشیا میں واقع امریکی و برطانوی فوجی اڈا اسٹریٹجک اعتبار سے بہت اہم ہے۔ یہ فوجی اڈا ایک طرف تو خطے کی مانیٹرنگ میں کلیدی کردار ادا کرتا ہے اور دوسری طرف یہاں سے بہت سی عسکری کارروائیوں کے لیے لاجسٹک سپورٹ ملتی ہے۔

یہ فوجی اڈا بہت سی فوجی کارروائیوں میں ملوث رہا ہے جن میں عراق کی جنگ اور اس سے قبل افغانستان کی جنگ نمایاں ہیں۔