بھارتی ذرائع ابلاغ کے مطابق پولیس اہلکار نے بتایا کہ 77 سالہ مالا اشوک انکولہ کی لاش دکن جمخانہ علاقے میں پربھات روڈ پر واقع ان کے فلیٹ میں جمعہ کی دوپہر کو ملی۔

پولیس اہلکار کا کہنا تھا کہ لاش کا پتا اس وقت چلا جب ان کی نوکرانی فلیٹ پر آئی اور پھر کسی کے دروازے پر جواب نہ دینے کے بعد اس نے رشتہ داروں کو آگاہ کیا۔

ڈپٹی کمشنر آف پولیس سندیپ سنگھ گل نے کہا، ’جب دروازہ کھولا گیا تو خاتون کٹے ہوئے گلے کے ساتھ مردہ پائی گئیں۔ ابتدائی طور پر ایسا لگتا ہے کہ چوٹ خود لگائی گئی ہے۔ تاہم، ہم تمام زاویوں سے معاملے کی جانچ کر رہے ہیں‘۔

سندیپ گل نے مزید کہا کہ وہ کسی ذہنی بیماری میں مبتلا تھیں۔

سلیل انکولہ نے 1989 اور 1997 کے درمیان ایک ٹیسٹ اور 20 ون ڈے کھیلے۔ فاسٹ میڈیم بولر نے بعد میں فلموں اور ٹی وی سیریلز میں اداکاری کی۔