چیف میٹرولوجسٹ سردار سرفراز کے مطابق کراچی میں آج سے درجہ حرارت بڑھنےکا امکان ہے، شہر کا آج زیادہ سے زیادہ درجہ حرارت 39 ڈگری سینٹی گریڈ تک جانے کا امکان ہے، کراچی میں اکتوبر کا اوسط درجہ حرارت 35.6 ڈگری سینٹی گریڈ ہے۔

سردار سرفراز نے بتایا کہ کراچی میں گرمی کی جزوی لہر کے دوران زیادہ سے زیادہ درجہ حرارت اوسط 2 سے 3 ڈگری بڑھ سکتا ہے، شہر میں اس وقت مطلع صاف، تیز دھوپ کا راج ہے۔

محکمہ موسمیات کے مطابق کراچی میں آئندہ 24 گھنٹوں کے دوران موسم گرم اور خشک رہے گا، موجودہ درجہ حرارت 28 ڈگری سینٹی گریڈ ہے، شہر میں سمندری ہوائیں جزوی معطل ہیں، ہوا میں نمی کا تناسب 69 فیصد ہے۔

ایئرکوالٹی انڈیکس کے مطابق کراچی کا فضائی معیار مضر صحت ہے، دنیا کے آلودہ ترین شہروں میں کراچی ساتویں نمبر پر موجود ہے، پاکستان کے آلودہ ترین شہروں میں کراچی دوسرے نمبر پر آگیا، ہوا میں آلودہ ذرات کی مقدار 153 پرٹیکیلیولیٹ میٹرز ریکارڈ کی گئی۔