مولانا فضل الرحمان اپنے ایک بیان میں کہا کہ ریاست قبائل کی بات سنے، تشدد اور فائرنگ سے حالات مزید خراب ہوں گے۔

مولانا فضل الرحمان کا کہنا تھا کہ وانا اور خیبر میں قبائل پر ہونے والا تشدد قابل مذمت ہے، حکومت اور ریاست حالات خراب نہ کریں۔

انہوں نے کہا کہ تشدد سے تحریکیں ختم نہیں ہوتیں بلکہ مزید ابھرتی ہیں، مذاکرات سے مسائل حل کئے جائیں۔

ان کا کہنا تھا کہ جرگے، مظاہرے، دھرنے جمہوریت کا حسن ہیں، معلوم نہیں حکومت اتنی خوفزدہ کیوں ہو جاتی ہے۔

مولانا فضل الرحمان نے کہا کہ ہم جاں بحق ہونے والوں کے اہل خانہ سے اظہار تعزیت کرتے ہیں، زخمیوں کو فوری طبی امداد دی جائے، دعا گو ہوں اللہ پاک زخمیوں کو جلد صحت دے۔