میڈیا رپورٹس کے مطابق واقعہ ہفتے کے روز بھارتی شہر جے پور کے اجمیر روڈ پر پیش آیا، جب روڈ کے درمیان میں چلتی ایک کار کے اندر آگ بھڑک رہی تھی اور پھر وہ ایک کنارے سے جا ٹکرائی۔

میڈیا رپورٹ کے مطابق واقعے میں کسی جانی نقصان کی اطلاع موصول نہیں ہوئی۔

سوشل میڈیا پر تیزی سے وائرل ہونے والی ویڈیوز میں دیکھا گیا کہ ایک مصروف شاہراہ پر گاڑی چلتی ہی چلی جارہی تھی جس کے باعث موٹر سائیکل سواروں نے خود کو گاڑی سے بچانے کی کوشش کی۔

گاڑی کون چلا رہا تھا اور آگ کیسے لگی؟

ٹائمز آف انڈیا کی رپورٹ کے مطابق مذکورہ ایس یو وی کار جتیندر جانگڈ نامی شخص ڈرائیور کر رہا تھا۔ جتیندر نے گاڑی کے ایئر کنڈیشن سے دھواں اٹھتے دیکھا تو اس نے پریشان ہو کر اپنے بھائی کو مدد کے لیے فون ملایا۔

ٹھٹھہ، ہندو یاتریوں کی مکلی مندر میلے میں آنے والی گاڑی کو حادثہ

لیکن چند ہی لمحوں بعد کار بری طرح آگ کی لپیٹ میں آگئی، جس سے ہر طرف دھواں پھیل گیا۔ خطرے کو بھانپتے ہوئے جیتندر نے ہینڈ بریک کھینچا اور خود کو بچانے کے لیے گاڑی سے باہر چھلانگ لگا دی۔

پولیس کی گاڑی وہاں پہنچی تو انہوں نے فائر فائٹرز سے فوری طور پر پہنچے اور آگ بجھانے کے لیے رابطہ کیا۔ ابتدائی تحقیقات میں آگ لگنے کی وجہ شارٹ سرکٹ بتائی گئی ہے۔