پولیس کے مطابق مقتول کی شناخت 26 سالہ صادق کےنام سے ہوئی اور وہ سپارکو کا ملازم بتایا جاتا ہے، مقتول صبح 8 بجے کے قریب گاڑی میں فیملی کے ہمراہ جارہا تھا۔

پولیس کے مطابق 2 نامعلوم ملزمان نے روکنے کی کوشش کی، ملزمان نے گاڑی نہ روکنے پرفائرنگ کردی جس صادق شدید زخمی ہوگیا۔

پولیس کے مطابق صادق کو اسپتال منتقل کیا گیا جہاں وہ دوران علاج دم توڑگیا۔ پولیس نے بتایا کہ مقتول سے کسی قسم کی کوئی لوٹ مارکا واقعہ پیش نہیں آیا۔ واقعے کی مزید تفتیش کی جا رہی ہے۔