بالی ووڈ کے سپراسٹارسلمان خان کو گینگسٹرلارنس بشنوئی کے نام پر5 کروڑ روپے تاوان کی دھمکی کا پیغام ملنے کے بعد ایک اہم ڈرامائی موڑ آگیا۔

سلمان خان کے ساتھ شکار پر جاتی تھی، بالی ووڈ اداکارہ کا چونکا دینے والا دعوی

ممبئی ٹریفک پولیس کو جس واٹس ایپ نمبر سے ایک دھمکی آمیز میجیج ملا تھا ، جس میں سلمان خان کی حالت بابا صدیقی سے زیادہ خراب کردینے کی دھمکی دی گئی تھی۔ اب اسی نمبر سے پولیس کو ایک اورمیسیج موصول ہوا ہے۔

اس نئے پیغام میں کہا گیا ہے کہ واٹس ایپ پر بھیجا گیا پیغام غلطی سے بھیج دیا گیا تھا جس کے لیے میں معذرت خواہ ہوں۔ تاہم پولیس نے پیغام بھیجنے والے شخص کے مقام کا پتہ لگا لیا ہےاور اس معاملے کی تحقیقات کا عمل جاری ہے۔

یاد رہے کہ اکتوبر کو ممبئی ٹریفک پولیس کو انکے واٹس ایپ نمبر پر ایک دھمکی آمیز پیغام موصول ہوا تھا ، پیغام بھیجنے والے نے سلمان خان سے لارنس بشنوئی سے دشمنی ختم کرنے کے لیے 5 کروڑ روپے کا تقاضہ کیا تھا اور ساتھ ہی یہ دھمکی بھی دی تھی کہ اگر رقم نہ دی گئی تو سلمان خان کا حشربابا صدیقی سے بھی بددتر ہوجائے گا۔ پولیس نے دھمکی اور جبری وصولی کا معاملہ درج کر کے کیس کی تحقیقات کرائم برانچ کے سپرد کر دی ہے۔