رپورٹ کے مطابق سفارش میں اسلامی نظریاتی کونسل نے حکومت سے تین طلاقیں ایک ساتھ دینے کے عمل کو قابل سزا بنانے کا کہا ہے۔

چیئرمین ڈاکٹر محمد راغب حسین نعیمی کی زیرصدارت ہونے والے اجلاس میں جہیز ایکٹ کی خلاف ورزی پر سزا کو 6 ماہ سے بڑھا کر ایک سال کرنے کہا گیا، جبکہ شادی اخراجات 2500 روپے سے بڑھا کر 2 تولہ سونا، جہیز کی مالیت بھی 2 تولہ سونے کے برابر کرنے کی منظوری دی گئی۔

اجلاس کے دوران اسلامی نظریاتی کونسل نے وفاقی حکومت سے سفارش کی ہے کہ لگاتار تین طلاقیں ایک ساتھ دینے کے عمل کو قابل سزا بنایا جائے۔

کونسل نے فیصلہ کیا کہ چونکہ اس موضوع پر ایک ڈرافٹ پہلے ہی کونسل تیار کرچکی ہے اس لیے یہ ڈرافٹ حکومت کو ارسال کیا جائے۔