واقعے کی سی سی ٹی وی فوٹیج سامنے آ گئی جبکہ وزیر داخلہ محسن نقوی رپورٹ طلب کرتے ہوئے ملزمان کی فوری گرفتاری کا حکم دے دیا۔

ترجمان اسلام آباد پولیس کے مطابق سب انسپکٹرحیدرعلی شاہ کے قتل کا واقعہ تھانہ شہزاد ٹاؤن کے علاقے جھنگی سیداں میں پیش آیا۔ سی سی ٹی وی فوٹیج میں دیکھا جا سکتا ہے کہ ملزمان تعاقب کرتے ہوئے گلی تک آئے۔

سب انسپکٹرنے جیسے ہی گاڑی اپنے گھرکے سامنے پارک کی۔ سفید رنگ کی گاڑی میں سوارملزمان نے فائرنگ کردی۔

وزیر داخلہ محسن نقوی نے سوگوارخاندان سے دکھ اورافسوس کااظہارکرتے ہوئے کہا ہے کہ ملزمان کو فوری طورپرقانون کی گرفت میں لایا جائے۔

آئی جی اسلام آباد سید علی ناصررضوی نے بھی ملزمان کی گرفتاری کےلئے تمام وسائل بروئے کار لانے کے احکامات دے دیئے۔۔ پولیس نے خصوصی ٹیمیں تشکیل دے دی ہیں۔