‏لاہور ہائیکورٹ میں نجی کالج کی طالبہ سے مبینہ زیادتی کے معاملے کی عدالتی انکوائری کے لیے کیس کی سماعت ہوئی،

‏جسٹس فاروق حیدر نے کیس مزید سماعت کے لیے فل بینچ کے پاس بھجوانے کی سفارش کردی، ‏عدالت نے کیس مزید سماعت کے لیے چیف جسٹس کو واپس بھجوا دیا۔

عدالت نے کہا کہ ‏اسی نوعیت کی درخواستیں فل بینچ کے پاس زیر سماعت ہیں۔

نجی کالج واقعہ پر فیک نیوز پھیلانے کے کیس میں سینئر تجزیہ ایاز امیر کو ریلیف

‏درخواست گزار جوڈیشل ایکوڑزم پینل اور آمنہ ملک کے وکیل اظہر صدیق نے دلائل دیتے ہوئے مؤقف اپنایا کہ ‏نجی کالج کی طالبہ کے ساتھ مبینہ زیادتی کا واقعہ رپورٹ ہوا، ‏کالج انتظامیہ کےساتھ مقامی انتظامیہ نے حقائق کو چھپایا۔

انہوں نے مزید کہا کہ ‏واقعے کے خلاف طلبا کے مظاہرے کو پولیس نے دبانے کی کوشش کی، ‏متاثرہ طالبہ اور اس کے اہل خانہ پولیس کی تحویل میں پولیس کی مرضی کے بیان دے رہے ہیں، ‏حکومتی قائم کردہ اعلی سطحی کمیٹی کو حکومتی پشت پناہی حاصل ہے۔

درخواست گزار کے وکیل نے عدالت سے استدعا کی کہ ‏واقعے کی عدالتی تحقیقات کے احکامات صادر کیے جائیں۔