نیپرا میں گیپکو کے زیرانتظام علاقوں میں کرنٹ لگنے سے اموات کے معاملے پر سماعت ہوئی، نیپرا نے شوکاز کے جواب میں گیپگو کا جواب مسترد کر دیا۔

نیپرا نے گوجرانوالہ الیکٹرک پاور کمپنی پر 2 کروڑ 30 لاکھ روپے جرمانہ عائد کرنے کا حکم نامہ جاری کردیا۔

نیپرا کا مرنے والے 6 شہریوں کے ہر خاندان کےلواحقین کو 40 لاکھ روپے معاوضہ دینے کا حکم دے دیا، نیپرا نے متاثرہ ہر خاندان کے وارث کو ملازمت دینے کی بھی ہدایت کردی۔

نیپرا نے کہا کہ گیپکو کے زیرانتظام علاقوں میں 2023-22 میں 9 اموات ہوئی تھیں، کرنٹ لگنے سے مرنے والوں میں 6 شہری اور 3 گیپکو کے ملازمین شامل تھے۔

نیپرا نے 30 اگست 2023 کو جاری شوکاز نوٹس پر گیپکو کے خلاف کارروائی کا آغاز کیا تھا۔