ایف بی آر نے مخصوص علاقوں کے حوالے سے غیرمنقولہ جائیدادوں کی نئی فیئر مارکیٹ ویلیو کا تعین کیا ہے، ہر شہر میں رہائشی، تجارتی اور صنعتی علاقوں میں جائیدادوں کے لیے سپر اسٹرکچر کی مناسب مارکیٹ ویلیو کا بھی نوٹیفکیشن جاری کیا گیا ہے۔

نئے نوٹیفکیشنز کے ذریعے اسلام آباد، راولپنڈی، کراچی، لاہور، حیدرآباد سمیت 56 شہروں میں جائیدادوں کی قیمتوں میں اضافہ کیا ہے۔

شہر اقتدار میں پراپرٹی کی خریدو فروخت کو ڈیجٹلائز کرنے کا فیصلہ

ایف بی آر نے پراپرٹی ویلیو ایشن کی شرح بڑھانے کی کوشش کی ہے تاکہ انہیں مارکیٹ ویلیو کے قریب لایا جا سکے۔

ایف بی آر نے ڈویلپرز اور بلڈرز کے تحفظات کے پیش نظر ملک بھر میں نرخوں پر نظرثانی کی ہے۔

ایف بی آر اس سے قبل 2018، 2019 ، 2021 اور 2022 میں 4 مرتبہ پراپرٹی ویلیو ایشن ایڈجسٹ کر چکا ہے۔