ڈاکٹر پرویز ہود بھائی نے آج نیوز کے پروگرام ”دس“ میں گفتگو کرتے ہوئے کہا کہ قوم کو ایسا انجکشن لگایا جارہا ہے کہ وہ سو جائے، ہمیں ایسا بنایا جارہا ہے کہ اہل اقتدار سے ہم سوال نہ کرسکیں۔

ڈاکٹر پرویز ہود بھائی نے کہا کہ ہمارا نصاب تعلیم ایک کاغذ کا ٹکڑا دیتا ہے، اس کاغذ کے ٹکڑے کی دنیا میں کوئی مانگ نہیں ہے۔

ان کا کہنا تھا کہ قائد اعظم یونیورسٹی کا دورہ کیا تو لگا کہ جیل میں آگیا، وہاں اونچی دیواریں اور خاردار تاریں لگی ہیں۔

انہوں نے کہا کہ طلبا کو اگر خوف کا ماحول دیا تو وہ خوفناک بن کر نکلیں گے، پاکستان کی یونیورسٹیاں بند بھی کردیں تو ملک کا نقصان نہیں ہوگا۔