اسد قیصر نے صوابی میں ورکز سے خطاب کرتے ہوئے کہا کہ نیا قانون پاس کیا گیا ہے کہ بغیر کسی وجہ کے شک کی بنیاد پر تین مہینے کسی کو جیل میں رکھا جا سکتا ہے۔

اسد قیصر نے کہا کہ اس ملک کو انہوں نے بنانا ریپبلک بنا دیا ہے، اس ملک میں جنگل کا قانون ہے، کیا اس طرح ملک میں زندگی بسر ہو سکتی ہے؟

انہوں نے کہا کہ بلاول اور نواز شریف کہتے ہیں ہم جمہوریت پر یقین رکھتے ہیں، کیا یہ جمہوریت ہے؟بلاول اور نواز شریف نے عدالتوں کا جنازہ نکال دیا، عدالت اب عدالت نہیں رہی، ملک خدا نخواستہ خانہ جنگی کی طرف جا رہا ہے، بلوچستان اور خیبر پختونخوا میں علیحدگی کی تحریکیں چل رہی ہیں۔

ان کا کہنا تھا کہ عوام کو دو وقت کی روٹی نہیں مل رہی ہے، یہ حکومت آپ کو ہضم نہیں کرنے دے گی۔

انہوں نے مزید کہا کہ جنگ آپ نے شروع کی تھی ختم ہم کریں گے، عوام کا حق ہے کس طرح زندگی بسر کریں، اس ملک کے حقیقی مالک عوام ہیں۔