ذرائع کے مطابق جعلی دستخطوں کے ذریعے کروڑوں روپے کی ادائیگیوں کا انکشاف ہو اہے، جس پر اینٹی کرپشن نے کارروائی کرتے ہوئے تین ملزمان کو گرفتار کرلیا، جبکہ سابق چیف آفیسر سمیت سات افسران کے خلاف مقدمہ بھی درج کرلیا گیا۔

اینٹی کرپشن کے مطابق مبینہ طور پر کروڑوں کی خرد برد میں ملوث ملک ابرار اس وقت چیف آفیسر ضلع کونسل گجرات تعینات ہے، جبکہ دیگر ملزمان میں ڈپٹی ڈائریکٹر آڈٹ، فنانس آفیسر اور مینیجر آپریشن پنجاب بینک شامل ہیں۔

ذرائع کے مطابق کئی سال سے جعلی دستخطوں سے کروڑوں روپے بے نامی اکاؤنٹس میں منتقل کیے جارہے تھے، معاملےکی مزید تحقیقات جاری ہیں۔