کراچی میں پریس کانفرنس کے دوران انہوں نے کہا کہ بانی پی ٹی آئی نے 24 نومبر کو کال دی ہے، میراسوال ہے کہ عمران خان نےکال کس چیز پردی ہے، پی ٹی آئی پوری دنیا میں رونا رو رہی ہے، انہیں کچھ ایکسٹینشن پر بھی اعتراضات ہیں۔

شرجیل میمن نے کہا کہ کیا یہ وہ بانی پی ٹی آئی نہیں جس نےخود بھی ایکسٹینشن دی تھی، آپ پھر لوگوں کو دھمکانے کی کوشش کررہےہیں، لندن میں قاضی فائز،خواجہ آصف سےبدتمیزی کی گئی۔

انہوں نے کہا کہ آپ کی کال پر پاکستان سے لوگ باہر نہیں نکلے، آپ کی کال کو لوگوں نےسنجیدہ لینا بند کردیا ہے۔