غیر ملکی میڈیا رپورٹس کے مطابق ملزم نے غلطی کا اعتراف کرتے ہوئے لازمی ملٹری ڈیوٹی پورے خلوص سے مکمل کرنے پر آمادگی کا اظہار بھی کیا ہے۔

عدالت کے مطابق ملزم نے فوج کی لازمی سروس سے بچنے کے لیے اپنے وزن میں21 کلو سے زائد اضافہ کیا تھا۔

رپورٹس کے مطابق 26 سالہ شخص نے دوست کے مشورے پر کھانا کھا کھا کر وزن بڑھانے کا منصوبہ اس وقت بنایا جب اسے پتہ چلا کہ باڈی ماس انڈیکس اگر 35 سے بڑھ جائے تو لازمی ملٹری سروس سے استثنیٰ مل جاتا ہے۔

واضح رہے کہ جنوبی کوریا میں 30 برس سے کم عمر کے مَردوں پر کم از کم 2 برس تک ملٹری سروس کرنا لازمی ہے۔