جسٹس طارق سلیم شیخ نے صحافی شاکر اعوان کی والدہ کی درخواست پر سماعت کی۔ ایڈیشنل آئی جی پنجاب شہزادہ سلطان عدالت میں پیش ہوئے ، سرکاری وکیل نے شاکر اعوان کے اغوا پر درج مقدمہ عدالت میں پیش کر دیا گیا ۔

ایڈووکیٹ اظہر صدیق نے عدالت میں موقف اپنایا کہ ایف آئی آر درج کرکے پولیس نے خود سے وزن اتار دیا ہے ۔

مطیع اللہ جان کے جسمانی ریمانڈ کا اے ٹی سی کا فیصلہ معطل

عدالت نے ایڈیشنل آئی جی سے استفسار کیا کہ آئی جی پنجاب کدھر ہیں ؟ ایڈیشنل آئی جی نے بتایا کہ آئی جی اسلام آباد میں ہیں ، ایف آئی آر درج ہو چکی ہے، معاملے کی تفتیش کر رہے ہیں ۔

عدالت نے سیف سٹی افسر سے استفسار کیا کہ آپ کو کہا گیا تھا کہ سیف سٹی کی فوٹیج پیش کریں ۔

سی ای او سیف سٹی نے کہا کہ فوٹیج میں کچھ وقت لگے گا، عدالت میں پیش کر دیں گے ، ہم نے عدالتی حکم کی تعمیل کرنا ہے ۔

جسٹس طارق سلیم شیخ نے کہا کہ عدالتی حکم کی تعمیل تو آپ نہیں کر رہے ہیں ۔

عدالت نے سی ای او سیف سٹی کو سی سی ٹی وی فوٹیج پیش کرنے کی ہدایت کر دی۔