انسداد دہشتگردی عدالت کےجج امجد علی شاہ نے اڈیالہ جیل میں کیس کی سماعت کی۔ جسمانی ریمانڈ مکمل ہونے پرتھانہ نیو ٹاون پولیس نے بانی پی ٹی آئی کوعدالت میں پیش کیا۔

دلائل مکمل ہونے پرعدالت نے بانی پی ٹی آئی کوجوڈیشل ریمانڈ پرجیل بھجوا دیا۔ انسداد دہشتگردی عدالت نے پانچ اکتوبراور28 ستمبرکے مزید 6 مقدمات میں بھی بانی پی ٹی آئی کو جوڈیشل ریمانڈ پربجھوا دیا۔

انسداد دہشت گردی راولپنڈی کے جج امجد علی شاہ نے اڈیالہ جیل میں جی ایچ کیوگیٹ حملہ کیس کی سماعت کی۔ پی ٹی آئی لیگل ٹیم کی جانب سے 23 اے ٹی اے کی درخواست دائرکی گئی۔ موقف اپنایاکہ مقدمہ کی سماعت انسداد دہشت گردی کی خصوصی عدالت کے دائرہ اختیار میں نہیں،مقدمہ متعلقہ عدالت کو بجھوایا جائے۔

وکلاء صفائی کی جانب سے دائر درخواست پر سماعت منگل کو انسداد دہشتگردی عدالت میں ہوگی۔