وفاقی وزیر مذہبی امور چوہدری سالک حسین کا کہنا ہے کہ دور دراز علاقوں میں حج درخواستوں کے داخلے میں مشکلات کے باعث حج درخواستوں میں توسیع کی جا رہی ہے، توسیع کے بعد اب سرکاری حج اسکیم میں درخواستیں 10 دسمبر تک نامزد بینکوں میں جمع کرائی جا سکیں گی۔

ان کا کہنا تھا کہ 3 دسمبرتک موصول ہونے والی تمام حج درخواستیں کامیاب قرار دے دی گئیں ہیں، اسپانسرشپ اسکیم میں موصول ہونے والی تمام حج درخواستیں بھی کامیاب قرار پائی ہیں۔

عازمین کیلئے بڑی خوشخبری، 3 دسمبر تک موصول ہونے والی تمام حج درخواستیں قبول کرلی گئیں

حج پروازوں سے متعلق وزارت مذہبی امور اور پی آئی اے کے درمیان معاہدہ طے پا گیا

وفاقی وزیر کا کہنا تھا کہ کوٹہ سے زائد درخواستیں موصول ہونے کی صورت میں قرعہ اندازی کی جائے گی اور سمندر پار پاکستانی 10 دسمبر تک اسپانسرشپ کی رقم لازمی جمع کروا دیں، اسپانسر شپ اسکیم میں موصول درخواستوں کو بلا قرعہ اندازی کامیاب قرار دیا جائے گا۔

وفاقی وزارت مذہبی امور کے ترجمان نے بتایا کہ وزارت کی ویب سائٹ پر آن لائن پورٹل کے ذریعے گھر بیٹھے حج درخواست جمع کرائی جا سکتی ہے اور عازمینِ حج کو نئی ہدایات کے لیے پاک حج موبائل ایپ ڈان لوڈ کر نے کا کہا گیا ہے۔