سلمان اکرم راجہ نے وضاحت کی کہ ان کا استعفیٰ پارٹی کا اندرونی معاملہ ہے اور اس کا تعلق کسی بھی ذاتی اختلاف سے نہیں ہے، ان کے خلاف دھڑا دھڑ مقدمات بنائے جا رہے ہیں اور یہ اب ہمارے عدالتی نظام کا امتحان ہے۔

سلمان اکرم راجہ نے یقین دہانی کرائی کہ ان کی پارٹی سیاسی جنگ کے ساتھ ساتھ قانونی جنگ بھی لڑتی رہے گی۔

انہوں نے مزید بتایا کہ ان کی وکلا ٹیم ورکرز کے سینکڑوں مقدمات کا جائزہ لے رہی ہے اور سینکڑوں ورکرز کے ریمانڈ کو چیلنج کیا جائے گا۔

پی ٹی آئی رہنما نے یہ بھی کہا کہ جوڈیشل حکام کی ضمانت دائر کی جائے گی، اسلام آباد میں پشتونوں کے ساتھ ہونے والے سلوک پر سلمان اکرم نے افسوس کا اظہار کیا، اسے انتہائی ناپسندیدہ قرار دیا۔