ترجمان پی پی ڈی ایم کے مطابق مری میں بارش اور برف باری کا سلسلہ جاری ہے ، آئندہ 24 گھنٹوں تک مزید بارش و برف باری کےامکانات ہیں، بارش اوربرف باری کےباعث سڑکوں پرٹریفک کی روانی متاثرہوسکتی ہے، سڑکوں پر انتظامیہ کی جانب سے نمک کا چھڑکاﺅ کیا جارہا ہے۔

مری سمیت پہاڑی علاقوں میں برف باری، کشمیر میں سیاحوں کی 20 گاڑیاں پھنس گئیں

مری، موسم سرما کی دوسری برفباری کا آغاز، سیاحوں کیلئے الرٹ جاری

ڈی جی پی ڈی ایم اے کی مری انتظامیہ کو الرٹ رہنے کی ہدایات کرتے ہوئے انتظامیہ کو الرٹ رہنے کی ہدایت کی ہے، کسی قسم کی غفلت کا مظاہرہ نہ کیا جائے، ہیوی مشینری کے استعمال سے برف کوساتھ ساتھ ہٹایا جائے، شاہراہوں پر ٹریفک کی روانی کو یقینی بنایا جائے۔

ڈی جی پی ڈی ایم نے کہا ہے کہ سیاحوں کو موسم کی مناسبت سے سہولیات فراہم کرنا انتظامیہ کی ذمہ داری ہے، مری میں سیاحوں کی رہنمائی کے لیے 13 فسیلیٹیشن مراکز قائم کر دیئے گئے ہیں۔

سیاحوں سے گزارش ہے کہ موسم کی صورت حال کا جائزہ لےکر سفرپرنکلیں، مری ملکہ کوہسار ہے ، کوشش ہے کہ کوئی ناخوشگوار واقعہ نہ ہو،شہری احتیاط کریں اورغیر ضروری سفر سے گریز کریں۔