پولیس نے تھانہ آئی نائن اور تھانہ مارگلہ کے مقدمات میں ملزمان کی گرفتاری ظاہر کی تھی۔

ملزمان کی جانب سے ان کے وکیل انصر کیانی عدالت پیش ہوئے۔

عمران خان اور بشریٰ پر رینجرز اہکاروں کے قتل کا مقدمہ درج، ’منصوبہ اڈیالہ جیل میں بنایا گیا‘

اے ٹی سی اسلام آباد کے جج ابوالحسنات ذوالقرنین نے مقدمے کی سماعت کی اور رات گئے ملزمان کو جہلم جیل سے پیش کرنے پر برہمی کا اظہار کیا۔

دوران سماعت پولیس نے بتایا کہ ملزمان کو 25 نومبر کو گرفتار کیا گیا لیکن شناخت پریڈ نہ ہو سکی۔ ساتھ ہی استدعا کی کہ ملزمان کے 30، 30 دن کا جسمانی ریمانڈ منظور کیا جائے۔

ملزمان کے وکیل نے کہا کہ شناخت پریڈ بھی نہیں ہوئی اور پولیس برآمدگی کیلئے ریمانڈ مانگ رہی ہے۔

عمران خان نے حکومت سے مذاکرات کیلیے کمیٹی میں دو مزید نام شامل کردیے

جج ابولحسنات نے ملزمان کو مقدمے سےڈسچارج کرتے ہوئے کہا کہ پولیس نے ملزمان کو دوبارہ گرفتار کیا تو پولیس والوں کو ہتکھڑی لگوادوں گا۔