ٹی 20 میچ میں نامناسب حرکت پر افغان آل راؤنڈرر کو جرمانہ

none@none.com (ویب ڈیسک) — Sat, 14 Dec 2024 16:51:51 +0500

انٹرنیشنل کرکٹ کونسل نے زمبابوے کے خلاف ٹی 20 میچ میں غصہ دکھانے پر افغانستان کے آل راؤنڈر پر جرمانہ عائد کر دیا۔

آئی سی سی کے مطابق افغانستان کے مڈل آرڈر بیٹر گلبدین نائب پر کوڈ آف کنڈکٹ کی خلاف ورزی پر جرمانہ لگایا گیا ۔

کرکٹ کے عالمی ادارے کی جانب سے بتایا گیا کہ ضابطہ اخلاق کے لیول 1 کی خلاف ورزی پر میچ فیس کا 15 فیصد جرمانہ کیا گیا ہے۔

امپائرکے فیصلے پر ناگواری دکھانے پر افغان آل راؤنڈرر کو جرمانہ کیا گیا، آئی سی سی نے گلبدین نائب کو جرمانے کے ساتھ ڈی میرٹ پوائنٹ بھی دیا۔

انٹرنیشنل کرکٹ کونسل کے مطابق افغانستان کے گلبدین نائب کو جرمانہ زمبابوے کے خلاف دوسرے ٹی 20 میچ میں کیا گیا۔

ٹی 20 میچ کے دوران امپائر کی جانب سے راشد خان کی گیند پر ایل بی ڈبلیو نہ دینے پرافغان کرکٹر نے نامناسب حرکت کی تھی۔

Aaj TV - Sports